غفر للبلد

الاخوه الاحباء سلام المسيح معكم جميعا,
انا سوف اتكلم والفت نظر حضراتكم لموضوع الغفر فى البلد,موضوع الغفر فى البلد احنا طلعنا كلنا لقينا ان كل غفر البلد من البلد انا لا افرق بين مسلم ومسيحى ولاكن كل كلامى عن موضوع الناس اللى بتيجى من خارج القريه الغفير اللى بييجى من بره القريه كل همه يخلص دوامه ولا يهمه اذا حد عمل اى عمل تخريبى فى البلد لانه همه الوحيد حماية نفس وخلاص غير لما يكون الغفير ابن البلد فتهمه مصلحتها فى الدرجه الاولى خليكم معايا وحده وحده لما يخلصوا الغفر بتوعنا اللى من القريه الان شيخ الغفر ابن البلد لان الموضوع بالاقدميه ولما يخلصوا اولاد البلد هيكون شيخ الغفر غريب عن البلد وياويل كل مستهتر بالموضوع احنا على كده ومش قادرين نمشى, امال لما يكون كل مسؤلين البلد غرب هنعمل ايه, انا من غيرتى على البلد واهلها بتكلم هذا الكلام وللمره الثانيه انا مش عنصرى بقدر ما انى غيور على البلد واهلها ياريت حد يفيدنى بخصوص هذا الموضوع لانى انا شايف ناس كتير قاعده على القهاوى لايوجد لديها عمل لو كانوا يشتغلوا مع الحكومه فى الغفر هذا اصلح ليهم والمفروض العمدة يتدخل فى هذا الامر حتى لو هيكون فيه نوع من الاغراء لانى انا فاهم ان راتب الغفير غير مجزى لانه بقى مرتبط بورديه مش زى الاول, ممكن صندوق البلد(صندوق الكويت) يتدخل فى هذا الامر حتى ولو كلفنا الموضوع اننا نرفع الاشتراك من نصف دينار الى دينار كامل لكل واحد فى الكويت من البياضيه وياريت يارضا عرفان تتكلم مع المسؤلين فى الصندوق بخصوص هذا الامر وانا مستعد انى اقعد مع اى احد ان كان بالكويت او بمصر.
وشكرا جزيلا لكم